THE BANNING OF POLITICAL PARTIES IN AFRICA

Omusango ogugaana ekibiina kya KABAKA YEKKA okwewandiisa mu NRM

Multi-party Democracy wa Uganda.

 

Owekitibwa Omulamuzi A.E.N. Mpagi-Bahigeine

Owekitibwa Omulamuzi S.G. Engwau.

Owekitibwa Omulamuzi C.N.B. Kitumba.

Owekitibwa Omulamuzi C.K. Byamugisha

Owekitibwa Omulamuzi S.B.K. Kavuma

Omusango gwa Ssemateeka No. 22 ogwa 2006.

Okugaana okuwandiisa ekibiina kyobufuzi ekya

Kabaka Yekka.

 

1. Paul Kafeero………………………………………….

2. Herman Kazibwe…………………………………..Abawaabi bo musango

Bavuganya

1. Akulira ebyokukuba akalulu no kulonda governmenti mu nsi Uganda

2. Munnamateeka wa Government ……………Abaloopebwa

Okusalawo kwo Musango okw’Omulamuzi Kitumba.

Omusango guno guleteddwa wansi we bitundu bya Ssemateeka 137 (3) ne 50(1) ne (2). Ate era omusango guno guleteddwa wansi wa mateeka amalala agakwata ku buyinza ne ddembe lyo buntu aganama ddala nga bwegasaanye okukwatibwa ate era nokukwasibwa mu Bantu.

Omusango guno gwatekebwa mu file ya Court eno nga 11/05/2005 ate negukyusibwamu nga 02/07/2007. Abaloopa bano Paul Kafeero ne Herman Kazibwe batuuze be nsi Uganda era bemulugunya nga wansi omusango guno bwegugamba.

1:

a) Abawabi bano bemulugunya nti tebayisiddwa bulungi era banyigiriziddwa olwensonga ezitakwatagana bulungi nakatono okusinziira mu Ssemateeka w’ensi ya Uganda eya Republic .

b) Abawabi bano bemulugunya nti No 1 aloopebwa yagaana okuwandiisa ekibiina kyabwe ekirina amanya “Kabaka Yekka” nti kubanga erinya limenya etteeka 5 (1) ate neddala 16 (1) agali mu tteeka ekkulu erifuga ebibiina byobufuzi eryayisibwa 2005. Era erinya lino liyinza okuleeta okutabulatabula Nobwakabaka bwa Buganda .

c) Abawabi bano era bemulugunya nti okusalawo obutawandiisa kibiina kyabwe “Kabaka Yekka” kikontana nekitundu kya Ssemateeka ekya 72 (1) ekiwa obuyinza bwonna obujjuvu obwabawabi bano ate era nabantu bonna abatuuze ba Uganda okukola ebibiina byobufuzi bo byebaba beyagalidde.

d) Abawabi bano era bemulugunya nti okusalawo obutawandiisa kibiina kyabwe “Kabaka Yekka” kikontana nekitundu kya Ssemateeka wa ensi Uganda eya Republic ekya 29 (1) (e) ekiwa eddembe abantu ba Uganda okukwatagana nokukolagana nga bo bwebaba bagadde.

2: Abawabi bano era bongera ekwemulugunya nga bwebanyigirizibwa mubukyamu olwengeri omuwaabi ono gyagenda nga yeyongera okugaana nga bwassamu nokukozesa ensonga zino ezebitundu 5 (1) (a) ne(2) mu tteeka erifuga ebibiina eryayisibwa 2005. Kino kyongera kumenya amateeka agali mu bitundu 72 (1) ne 29 (1) (e) ebya Ssemateeka wensi ya Uganda eya Republic .

3: Aloopebwa asooka mukwetegereza enyo nokukwasisa empisa abaloopa bano ebitundu 5 (1) (a) ne (2) mu tteeka lino erifuga ebibiina eryayisibwa 2005 lilemesa nokuteeka obukwakkulizo ku ddembe lyabawabira bano nebalemererwa okwetayaya obulungi. Era okugaanibwa kuno kubanyigiriza ekisukiridde nekiyitawo nyo ddala mubantu bonna abalina eddembe lyabwe eryanama ddala lyebamanyidde mu Democracy nga Ssemateeka bwakikakasa nokukilambika obulungi mukitundu ekya 43 (2).

4: Abawabi bano babonyebonye nyo nokufuna obuzibu era nokufiirwa ebyabwe bingi olwokulemererwa kwaloopepwa asooka okugaana okuwandiisa ekibiina kya “Kabaka Yekka”.

5: Abawabi bano bagamba nti olwensonga ezo waggulu ezogeddwako mubitundu 1, 2, ne 3, ebikolwa by’awabirwa asooka nga bwabikozesa kukibiina kya “Kabaka Yekka” amenya mateeka ga Sssemateeka era asanidde okubikomya mbagirawo.

Abawabi bano basaba Court essalewo nebiragiro ebyamatteeka bwebiti:

a) Court essalewo nti ekibiina kya “Kabaka Yekka” kyatukiriza ebisanyizo byonna ebisabibwa mumatteeka okuwandiisa ebibiina byobufuzi.

b) Court essalewo nti okugaana oba okulemererwa kwalopebwa asooka okuwandiisa ekibiina kya “Kabaka Yekka” kikontana nebitundu 72 (1) ne 29 (1) (e) ebya Ssemateeka.

c) Court essalewo okuwa ekiragiro alopebwa asooka okuwandiisa ekibiina kyobufuzi ekya “Kabaka Yekka”.

d) Court essalewo okuwa ekiragiro okubalirira okufiirizibwa kwabaloopa bano okuvudde mukugaana oba okulemererwa kwalopebwa asooka okuwandiisa ekibiina kyobufuzi ekya “Kabaka Yekka”.

e) Court essalewo okuwa ekiragiro abawabirwa bano okusasula sente zomusango guno.

Okuwabira kuno kukkakkassibwa mukulayira kwobubaka bwa Paul Kafero omuwaabi asooka.

Mukudamu mukuwawabirwa kuno, abawaabirwa bombi begaana emisango gyonna egyogedwa mumusango guno. Abawaabirwa bano bagamba nti munsonga esooka, eyokubiri, eyokusatu ne yokutano zalusaago naye ate nga zireeta obusungu. Badamu bwebati nga bawa ensonga zaabwe:

3. Okuddamu kwabwe ku No.1(a-c) 2, 3, ne 5 mukuloopa kuno bagamba bwebati:

(i) Omuwaabirwa asooka yali mumateeka amatufu okugaana okuwandiisa ekibiina kyobufuzi ekya Kabaka Yekka kubanga okukiwandiika kiba kumenkya mateeka 5 (1) ne (a) (b) ate ne 16 (1) agali mu tteeka erifuga ebibiina byobufuzi elyayisibwa mu mwaka 2005 (PPO Act). Era sikukoma awo woka naye nokutabulatabula Obwakabaka bwa Buganda .

(ii) Mukuddamu kwokuwoza kwa No 1. (b) Omuwaabirwa ono era yegaana nga bwatamenya mateeka gomu kitundu 72 (1) mu Ssemateeka okulemesa Abawaabira bano nabantu abalala abatuuze ba Uganda , okwekolera ekibiina bo kyebeyagalira nga era kyebelondedde.

(iii) Mukuddamu kwokuwoza kwa No 1 (c) Omuwaabirwa ayongera okwegaana nga bwatamenya mateeka gomu kitundu 29 (1) mu Ssemateeka okulemesa Abawaabi bano okwegazaanya muddembe lyabwe elyokukolagana nga abantu abakulu abateegera kyebandyagadde okukola mu ddembe lyabwe.

(iv) Mukuddamu kwokuwoza kwa No 2 Omuwaabirwa ayongera okwegaana nga bwatamenya mateeka bwagenda mumaaso nokukozesa obuyinza bwe obuli mu kitundu kye tteeka lya PPO Act okulemesa Abawaabi bano okuwandiisa ekibiina kya Kabaka Yekka nga Ssemateeka bwabawa eddembe eryo, mu kitundu 72 (1) ne 29 (1).

(v) Omuwaabirwa ono ayongera okukakasa nga obuyinza obuli mu kuziyiza okuwandiisa ekibiina kino obuli mu tteeka lya PPO Act mu kitundu 5 (1) (a) ne 2 butuufu era busanidde mubuntu bulamu obulimu democracy nga era bukwatagana bulungi nekitundu kya 43 (2)(c) ekya Ssematteeka wa Uganda.

(vi) Omuwaabirwa asooka ayongera okukakasa nga okusalawo kwonna kukibiina kya Kabaka Yekka bwekuli munsonga entuufu zonna eziri mu tteeka lya PPO Act ate nga etteeka lino lissimbukira ddala mu Ssematteeka wa Uganda . Nolwekyo okusalawo kuli mu Ssematteeka yenyini.

(vii) Abawaabirwa bano basaba Abawaaba balemesebwe okulongosa mumusango guno naddala nga bwebalemeddwa okugoberera obukodyo obukozesebwa mu kutakiriza emisango gy’ etteeka lya PPO Act bwewabaawo okugaana okuwandiisa ekibiina kyobufuzi.

(viii) Abawaabirwa bano basaba nti omusango guno munafu nyo era tegwetaaga bunyonyozi bwa Ssematteeka.

Okuddibwaamu kwomusango guno kuliko obukakafu bwa bajjulirwa babiri. Mr Eng. Badru Kiggundu, akulira akakiiko kokulonda akawawabirwa ne Bafirawala Elisha munamateeka wa Governmenti.

Ebyafaayo kumusango guno gulina Abawaabira babiri abasaba Awandiisa ebibiina byobufuzi nebibiina ebirala awandiise ekibiina kyabwe. Omuwandiisa ono nalemerako nga abagamba bakyuuse erinya. Oluvanyuma obuvunanyizibwa bwokuwandiisa ekibiina kino nebutekebwa mumikono gy’Akulira akakiiko kebyokulonda. Omukulu ono naye nagaana okuwandiisa ekibiina kya Kabaka Yekka nga amaze okwebuuza ku Attorney General w’Obwakabaka bwa Buganda . Mu bbaluwa ye eya 28 September 2005 Minister webyamatteeka mu governmenti ya Ssabasajja Kabaka nagamba nti singa ekibiina kiwandiikibwa mu linya lya Kabaka Yekka ekibiina ekyo kijja kumenya amateeka.

Ebbaluwa za M/s Juliet Nassuna, Assistant Registrar of Political Parties/ Organisations nga bebuzzaganyamu ne Minister wa Matteeka e Mengo (Attorney General).---------

 

Ref: RG/105

 

 

23rd September 2005

 

 

The Attorney General,

Buganda Kingdom ,

Bulange-Mengo,

KAMPALA .

 

 

KABAKA YEKKA

 

 

We have received an application to register the above name as a political party and we would like your guidance on the use of this name in respect of political party. I draw your attention to this fact bearing in mind the provisions of sections 5(1) (a) and 16(1) of the Political Parties and Organisations Act 18/2002. We are due to gazette the application and wanted the opinion of the kingdom on this matter.

 

Awaiting your opinion on this matter. (Enclosed is a copy of the constitution and application)

 

Juliet Nassuna,

Assistant Registrar of Political Parties/Organisations.

 

Cc: The Minister for Cabinet Affairs and Information

Buganda Kingdom ,

Bulange-Mengo

28th September 2005

 

katende, ssempebwa & Co.

 

 

Fredrick E Ssempebwa John W Katende

LLB Hons (E.A) LL.B. Hons. (E.A)

LL.M ( Belfast ) LL.M (Harvard)

Senior Partner Senior Partner

E-mail:efs@kats.co.ug E-mail:jwk@kats.co.ug

 

Assistant Registrar of Political Parties/Organisations

Registrar Generals Office

Amamu House

KAMPALA

More

Attn: Juliet Nassuna

 

Dear Madam,

 

RE: REGISTRATION OF KABAKA YEKKA AS A POLITICAL PARTY

 

We refer to the above matter and to your letter Ref: RG/105 dated 23rd September 2005 and address you as hereunder:

 

We agree with your interpretation of the law in the above matter, and agree that a party under that name cannot be registered without infringing the law.

 

 

Yours faithfully,

 

John W. Katende.

 

Cc: The Minister for Cabinet Affairs and Information

Buganda Kingdom

Bulange-Mengo..

The following year all responsibilities and powers were passed over to The Electoral Commission after the introduction of a multiparty system of democracy. Where the National Movement system of governance metamorphosed into a new single political party and was hurriedly registered under this current electoral commission as one of the current political parties of Uganda . Over 30 political parties were registered apart from Kabaka Yekka. This is the reason given by the letter of the Electoral Commissioner.

 

 

THE REPUBLIC OF UGANDA

THE ELECTORAL COMMISSION

 

 

LEG 353/01

 

 

Plot 53/56 Jinja Road

P.O. Box 22678 .

Kampala . Uganda .

 

17/02/2006.

 

 

The Chairperson

Kabaka Yekka,

P.O. Box 70229 ,

Kampala .

YOUR APPLICATION FOR REGISTRATION AS A POLITICAL PARTY

 

Please refer to the above outlined subject.

According to available records you were advised by the Assistant Registrar of Parties, to change name because Kabaka Yekka was likely to be confused with the Kingdom of Uganda in contravention of the Provisions of Sections 5(1)(a) and 16(1) of the Political Parties and Organizations Act 2005.

 

This is therefore to reiterate the advice earlier given to you regarding this matter.

 

Eng Dr Badru M. Kiggundu

CHAIRMAN, ELECTORAL COMMISSION

 

Cc: Ms Luswata Advocates.

Kampala .

Mukirizibwa okukyusiza bonna abagala okuyiga ensonga zino mu nnimi zonna ezisoboka mu Africa .

-----------------------------------------KABAKA YEKKA --------------------------------------(ENGERO ENSONGE)

Ebiseera bino byetulimu byakanayokyani- Byakulowooza nnyo- Byakufumitiriza nnyo. Byakukola nnyo era byakwaabuluza ekyo ekyazimbibwa edda.

Bannange mmwe Abaganda bannannyini Ggwanga mpalirizibbwa okuleeta Engero zino ensonge ennyimpi nga nzitadde mu bitundutundu buli muntu ku ffe yerondere kitundu ki kyalimu?

Era kiki kyateekwa okukola okuvamu okufumiitiriza amakulu gengero ezo.

Okwetegekera ebiseera ebizibu ebijja mu Maaso:

 

Embuulire tefa yonna.

Ekijja omanyi- kinyaga bitono – Ekiddukano tekinyaga byenda.

Okwerinda si buti – Ensanafu etambula eteze.

Kalina abiri – Olonda ejjinja nga kalaba.

Omuggo oguli ewa munno- tegugoba Ngo mu njuyo.

Gwomanyi enfumita – tomulinda magalula.

Ku kyalo kuno tekuli kabi- yerabira ekisolo ekigenyi

EKIRYA ATABAALA – KYEKIRYA N’ASIGADDE EKA.

_______________________________KABAKA YEKKA______________________KABAKA  YEKKA

Katudde kumusango gwaffe:

Mukusisinkana okuteesa okwaddirira kyasalwawo okuggumiza onsonga enkulu ezomusango bweziti.

1. Okulemererwa kw’Omuwaabirwa asooka oba okugaana okuwandiisa ekibiina kyobufuzi ekya Kabaka Yekka kiba kwekuba mpawu ezitajja kuggwa oba kumenya mateeka mu bitundu 72(1) ne 29(1) (e) mu Ssematteeka wa Uganda era ekikolwa kino kiveewo nga tekirina muganyulo gwonna.

2. Okwongera okutayiza nokugaana Abawaabi bano okugenda mumaaso nokuwandiisa ekibiina kyabwe Omuwaabirwa ono ayongera kulinyirira ddembe lyabwe nokulabika nga ayitawo ne kwekyo ekya ndyetaagisiza mu bantu abakulu abategeera abatudde emirembe ne ddembe mu nsi ya Democracy ne mubatuuze bannabwe.

3. Waliwo okusalawo obanga Abawaabira bano basanidde okuwulirizibwa nokuddirwamu mumusango gwabwe guno.

Mukugenda mumaaso nokuwuliriza omusango guno Abawabira bakulemberwa Munnamatteeka Ms Eve Luswata Kawuma ate Abawaabirwa bo ne bawolerezebwa Ms Margaret Nabakooza.

Mukuwulizinganya omusango banamatteeka bano okuva kubyebaali bateseza bayongerako no kwogera mu kkooti.

Nze nga Omulamuzi kambitwale mumaddinganwa gaabyo.

Okugaana kw’Omuwaabirwa asooka okuwandiisa ekibiina kya Kabaka Yekka kuwubisa, na kumenya mateeka gebitundu 72 (1) ne 29 (1) (e) mu Ssematteeka era ekikolwa ekyo kikomekkerezebwe kivewo.

Ms Luswata-Kawuma kulwabawaabira yayongera okukigumiza nti Omuwaabirwa asooka okugaana okuwandiisa ekibiina kya Kabaka Yekka kikontana ne kitundu 72 (1) ekya Ssematteeka. Ekitundu kino kiwa obuyinza obutajjulira omutuuze we nsi ya Uganda okuwandiisa ekibiina ye kyaba ayagadde. Era mukugaana kuno okuwanndiisa ekibiina kino Omuwaabirwa ono amenya etteeka mu kitundu kya Ssematteeka ekya 29 (1) (e) ekiwa eddembe abantu okukolagana nga bo bwebaba basobodde mubibiina.

Munnamatteeka ono nategeeza kooti nga byonna ebyetagisa okukolebwa bwebyakolebwa, nga ekibiina kyobufuzi tekinaba kuwandiisibwa ebilambikiddwa mu tteeka erifuga ebibiina byobufuzi (PPOAct). Omuwaabirwa asooka yagaana okuwandiisa ekibiina. Ensonga zaawa azilaga mu bbaluwa jeyawandiika nga abulira Abawabi bano nti erinya “Kabaka Yekka” lyali lijja kutabulatabula n’ Obwakabaka bwa Buganda mu kumenya amateeka agali mu katundu 5(1) (a) ate ne mu katundu 16 (1) mu tteeka lya PPO Act.

Okusinziira ku munnammatteeka ono, Omuwaabirwa ono teyalaga engeri obutundu bunno jebwamenyaamu etteeka lino. Akayana nagamba nti abakulira ekibiina kino era nabo ba members abakirimu tebali mu lukalala lwabantu abogerwako nga abaganibwa mu katundu aka 16 (1) mu tteeka lino. Agatako nti obwa member bwe kibiina kino tebuli mu muttemwa ogugaanibwa mu katundu kano 5 (1) (a) mu tteeka lya PPO Act. Okusinziira ku bujjulirwa obwo Muwaabira asooka obwa member bwe kibiina bulaga enfanana ennungamu nga eva mu Districts 19 ezilungamya ebitundu byamawanga ebitaano ebiri munsi ya Uganda . Tewali nakamu ekiraga nti waliwo okwawula oba okukubira oludda kuludda lwa Bakyala bokka oba oludda lwa Baami oba okusosola mu mawanga. Kino kikakasa nga ekibiina bwekirina byonna ebyetaagibwa mukuzimba eggwanga mubujjuvu. Yasaba kkooti erowooze nyo kumuganyulo gwobutundu buno 5 (1) ate ne 16 (1) mutteeka lya PPO Act nomulimu gwabwo nga esinziira mu makulu ga Ssematteeka wa Uganda .

Okuggumizza kukino yaleetayo okyokulabirako ekyomusango gwa Attorney General lweyawoza omusango ne Salvatori Abuki nga ajjulira mu Ssematteeka ku number 1. mu mwaka 1998.

Munnamatteeka ono akiggumiza nti omuganyulo oguva mu Ssematteeka kwe ku kulakulanya eggwanga erya Democracy, eryesigamiziddwa mu kwegatta, mubwenkanya bwabantu nokugenda mumaaso kwabwe nga bemalirira mubuyinza bwabwe obwabantu abakulu aberowoolereza. Munnamatteeka anyonyola nti mukutuula kwo Muwabirwa asooka ye nasalawo okugaana okuwandiisa ekibiina nga akozesa obutundu 5 (1) (a) ate ne 16 (1) obwetteeka lya PPO Act amenya matteeka ga Ssematteeka agakuuma obuvunanyizibwa nobuyinza bwabantu obulembekeddwa mu bitundu 72 (1) ne 29 (1) (e) mu Ssematteeka wa Uganda .

Munnamatteeka ono asaba kkooti ekirizze okuwaabira kuno.

Munnamatteeka awolereza eggwanga lya Uganda okuwabirwa kuno takukiriza. Aggummizza bulungi nti okusalawo kwa chairman wakakiiko akakola kubyokulonda era nga ye muwalaabirwa asooka yasalawo mubutuufu obutawandiisa kibiina kirina linya lino erya Kabaka Yekka. Ensonga gyeyawa nga agamba nti abantu babulijjo abakulu nga ate bateegera bulungi bajja kutabulatabula erinya lino Nobwakabaka bwa Buganda .Era bwekityo mungeri eyo ekikolwa kino kijja kumenya obutundu 5 (1) (a) (b) ate ne 16 (1) obuli mu tteeka lya PPO Act. Era okusalawo kuno tekulina bwekumenya matteeka nakugaddibaganya mu bitundu bya Ssematteeka 72(1) ne 29 (1) (e). Munnammatteeka ono ayongerako nagamba nti enjogera ettegerekeka mubujjuvu bwokuvunnula Ssematteeka, Ssematteeka yenyini alina okutwalibwa wamu nga omuganda ogumu.

Nagamba nti newankubadde waliwo okuweebwa obuyinza obujjuvu okukola ebibiina byobufuzi mukitundu kino 72(1) ekya Ssematteeka naye ate obutundu (2) ne (3) nabwo bukwtagana nekitundu kino. Ye Munnammatteeka ono mukulowoozakwe agamba nti Ekitundu 72 kiteekeddwa okusomebwa awamu. Ayongerako nti ekitundu 72 (2) ne (3) mu Ssematteeka bitteekwa okukolaganira awamu. Olunyiriri (2) lugamba nti tewali kibiina kijja kuddukanyizibwa okujjako nga kitukiriza ebyo Ssematteeka byakiririzaamu. Ebikiririzibwaamu biri okwegata, emirembe, okwenkanankana, democracy, neddembe. Ate ku lunyiriri (3) Parliament yattekebwawo okukola etteeka lyokulabirira enkola yebibiina byobufuzi. Olwensonga eyo Parliament nettekawo PPO Act nga etteeka.

Munnamatteeka ono agamba nti ekitundu 5(1) (a) ekyetteeka lya PPO Act ligaana omuntu yenna okukola ekibiina kyobufuzi nga kyesigamizzibbwa kubakyala bokka oba abasajja bokka, kumawanga, oba ku langi ezenjawulo ezabantu, ku ggwanga oba obuzaaliranwa, enzikiriza ye ddiini oba ebifananyiriza ng’ ebyo. Ekitundu 5(1) (b) nakyo kigaana okukola ekibiina kyobufuzi ekikozesa ebigambo oba enjogera oba obubonero ebiyinza okuleetawo enjawukana zonna ezinyonyolwako mu lunyiriri (a)

Agamba nti ekitundu 5(1) (a) ate ne (b) biteekwa okusomebwa awamu. Munnamatteeka ono ayongera nagamba nti okusinziira kukitundu 72(2) ekya Ssematteeka. Bwowandiisa ekibiina mu linya lya Kabaka Yekka oba oyonoona ensonga enkulu ddala eri mu kweggatta kubanga erinya ng’ eryo lireeta okusosola mumawanga kubanga Kabaka linya lya mufuzi we nnono omukulembeze mu bwa Kabaka bwa Buganda . Abantu abalowooza obulungi bajja kukitwaala nti akulira ennono ate wuno yeyingizza mu bibiina byobufuzi ekitakwatagana na kitundu 246(3) (e) ekya Ssematteeka ate era nekitundu 16 ekye tteeka lya PPOAct. Obwakabaka bwa Buganda nabwo bwagaana okuwandiisa ekibiina kyabawaabira bano nga “Kabaka Yekka.” Abawaaba bano bagana okukyusa erinya newankubadde nga baweebwa nyo amagezi bakyuse erinya.

Nolwekyo Awawabirwa asooka okugaana okuwandiisa ekibiina kyobufuzi ekya Kabaka Yekka talina kyamenya matteeka mu kitundu 72(1) ate era ne mukitundu 29(1) (e) ebiri mu Ssematteeka. Munamatteeka wa governmenti wano nasaba kkooti okugaana omusango guno.

Nga sinaddamu ensonga esooka nina okukakasa kunsonga enkulu ddala mukuvunula Ssematteeka ezitteekeddwa okulowoozebwako mu kkooti eno. Munnamatteeka owabawaabirwa aleese ensonga entuufu egamba nti bwoba ovunula Ssematteeka ekitabo kyonna olina okukitunulamu mubujjuvu. Ekyokulabirako kye kya Paul K. Ssemwogerere nebane ababiri nga bawoza ne Attorney General mukujjulira mu musango gwa No. 1. ogwa 2002 Omulamuzi Mulenga kulupapula 4 ne 5 wagambira bwati: Lino etteeka lya mugaso munene nyo bwoba ovunula Ssematteeka erigamba nti ebitundu bya Ssematteeka ebikwata kunsonga emu bitteekeddwa okukolagana so si okukontana. Ssematteeka asaanidde okusomebwa nga akwatagana nokugendera awamu. Kkooti enkulu eyo mu America(U.S.A) mu nsonga za Smith Dakota Vs North Caroline 192 US 279 (1940) nazo zalaga ensonga eno bweti:

Etteeka kulu ddala Ssematteeka bwaba nga azimbibwa nti tewasanye kwawulibwamu bitundu nebilowoozebwako byokka okuva kubinabyo naye kisanidde byonna ebibeera nga byogera kunsonga emu bileetebwe wamu mukulowoozebwako nokutunulibwaamu okusobola okulaga obulungi ekigendererwa ekyomumugaso mu kitundu kya Ssematteeka ono.

Tewali alina buyinza obwo okujjako kkooti ya Ssematteeka eweereddwa obuvunanyizibwa bwokutuukiriza obwenkanya buno.

Ebitundu mu Ssematteeka ebyo ebikwatagana ne ddembe erryannamma ddala, nga bwekiri mu musango guno bisaanidde okuweebwa okuvunnula okukkakkamu mundowooza yo buntu. Nga bwekigambibwa Omulamuzi Mayindo mumusango gwa Major General David Tinyefuza nga awoza ne Attorney General kumusango gwa Ssematteeka No1. mu 1996 kumuko gw’olupapula 16 agamba bwati:

Mukulowooza okwange ebitundu bya Ssematteeka bisanye okutwalibwa mpola nga tebitawanyizibwa munsonga ezamanyi enyo. Newankubadde nga lwo olulimi lwa Ssemateeka telukyuuka naye ate embeera zabantu zikyuuka neziwa amakulu amalala ebitundu bino.Ekitundu kya Ssematteeka ekikuuma eddembe lyobuntu eryomuwendo omunene ekitundu kino kibererawo emirembe gyonna. Kkooti kyeva esaana okubeera enegenderevu mukulaba nga ekwataganya ensonga eziwerako mukulungamya omugaso gwa mateeka gano eri abantu bonna nebyo byebaba bagala okutukiriza. Mubigambo ebirala Kkooti essaanide okugaziya so si kufunza ebitundu bya Ssematteeka bino. Ebitundu bino bisaanidde okukozesebwa mubugazi bwabyo okutukiriza eddembe lyobuntu kwabo abateekwa okufuna eddembe lino.

Omuwaabira yenna bwalaga obukakafu mukuyikirizibwa mutteeka nga lino eryeddembe atteekwa okuweebwa obuyinza bwe amangu ago.

Naye ate kkooti eyinza okugaana okumuwa obuyinza bwe singa ekizzuula nti mukifo kyokutwaala mumaaso eddembe lino nokulikozesa obulungi ate kijjawo ddembe nabutali bwenkanya. Oba kkooti bwekiraba nga tekiri nakamu mubwenkanya olwokubanga waliwo ebikolwa ebiguddewo nebikyuusamu kumbeera. Nze mukulowooza okwange mba siraba njawulo nnenne nyo wakati wobukulu bwe tteeka lyeddembe lino ate era netteeka eryabulijjo.

Mukwemulugunya kwabawaabira bano munsonga esooka bagamba nti ekikolwa ky’Awawabirwa asooka ekikolwa kyakola kiba kimenya ekitundu 72(1) ate era ne kitundu 29(1) (d) ebiri mu Ssematteeka.

Kambiwandiike nga bwebiri:

Ekitundu 72(1) kigamba bwekiti:

Okusinziira ku bitundu bya Ssematteeka omuntu waddembe okukola ebibiina byobufuzi nebibiina byonna ebirala ebyabulingeri era eddembe lino lyabwemage

Ekitundu 29(1) (e) kigamba bwekiti:

Buli muntu yenna alina eddembe; okwetaba munkolagana yonna era nokwetaba mukukola oba okwenyijira mubiina byonna oba bya Union mubusuubuzi nemukupakasa oba ebyobufuzi oba okkukkulakulanya eggwanga.

Ekitundu 72(1) kiweera ddala omutuuze wa Uganda okukola ekibiina kyobufuzi naye ate obuyinza buno bulina okukwatagana nensonga za Ssemmatteeka. Mukitundu kino kigenda mumaaso nekiwa ekyokukolerako mubitundu no. 2 ate era ne no. 3 bwekiti:

(2) Ekibiina kyonna tekijja kuddukkanyizibwa nga ekibiina kyobufuzi oba ekirala kyonna okujjako nga kimaze okutukiriza ebikulu ebilembekeddwa mu Ssemmatteeka era nga kiwandiisiddwa.

(3) Olukiiko lweggwanga mumatteeka lujjanga kulabiriranga enfuna ya sente awamu nemirimu gye bibiina bino ebyobufuzi.

Abawaabira bano kyebasinga okwemulugunyamu kwekukwasisa amateeka okuli mu kitundu 5(1) ate ne mukitundu no.(2) ne no. !6(1) ebiri mu tteeka erifuga ebibiina- PPOAct. Ensonga zino ziremesa okusaba kwabwe okuwandiisa ekibiina kya Kabaka Yekka.

Obuyinza bwa Bawaabira bano okukola ekibiina kyobufuzi buteekwa okulabibwaamu nebitundu ebiri mu tteeka lino PPOAct.ate era ne bitundu ebiri mu Ssematteeka.

Ssemmatteeka wa 1995 yesigamiziddwa ku nsonga enkulu enyo ezokwegatta, emirembe, nobwenkanya, democracy, eddembe nobuntu bulamu obusaanidde mubantu nga bukulakulanya nensi.

Ekitundu 5(1) eky’etteeka lya PPOAct. ligamba bweliti:

“Omuntu tajja kukola kibiina kya bufuzi oba ekibiina kyonna ekyengeri endala yonna-

a) Ababaka baakyo bwebaba nga besigamiziddwa ku musajja oba mukazi yekka, amawanga, langi oba eggwanga, obuzaaliranwa bwomuntu, eddini, oba ebyawula ebirala byonna, oba

b) Ababaka abakozesa ebigambo, enjogera, oba obubonero obuyinza okuleetawo enjawukana zonna ezinyonyoddwako waggulu mu katundu ka (a).

c) Ekitundu 16(1) ekye tteeka lya PPOAct omufuzi we nnono oba ow’okubuttaka takirizibwa kwenyigira mu bibiina byabufuzi byonna.

Akulira akakiiko ko kulonda nga omuwaawaabirwa asooka kyava yesigama kubitundu 5(1) (a) ate ne 16 (1) ebiri mu tteeka lya PPOAct nagaana okuwandiisa ekibiina kya Kabaka Yekka ekya bawaabira bano. Ensonga ye enkulu emuganyisa agamba nti kijja kuleetawo okutabulatabula mu Bwakabaka bwa Buganda awamu nokumenya amatteeka agali mu tteeka lya PPOAct.

Nze nga Omulamuzi simatiddwa nsonga za munammatteeka wabawaabira bano nti nga bwebamaze okukola buli kyetaagisa okusobola okuwandiisa ebibiina by’obufuzi mu Uganda nga bwekirambikiddwa mu kitundu no.7 mu tteeka lya PPOAct., omukulu wakakiiko kokulonda asaanidde okuwandiisa ekibiina nga tafuddeyo ku linya lyaakibiina ekyo. Nze kubwange nina endowooza eyange nti newankubadde nga ekibiina kino kirina ababaka baakyo mu districts 19 eza Uganda, era nga balina enjawulo mu langi, gyebava mubuzaaliranwa, ne ddiini, era nga mulimu abasajja na bakazi naye ate erinya kintu kikulu nyo. Omukulu wa kakiikiko akadukanya okulonda nga yaloopebwa yalina okusalawo okuwandiisa oba obutawadiisa kibiina kino mulinya lya Kabaka Yekka. Naddala nga waliwo ensonga entuufu olwekikolwa kye ekyo.

Kakati eno ye bbaluwa yomuwaabirwa asooka: Chairman w’akakiiko kebyokulonda mu Uganda

LEG353/01 17/02/2006.

The Chairman

Kabaka Yekka

P.O. Box 70229

Kampala

YOUR APPLICATION FOR REGISTRATION AS A POLITICAL PARTY

Please refer to the above outlined subject.

According to available records you were advised by the Assistant Registrar of Parties to change name because Kabaka Yekka was likely to be confused with the Kingdom of Buganda in contravention of the Provisions of Sections 5(1)(a) and 16(1) of the Political Parties and Organisations Act 2005.

This is therefore to reiterate the advice given to you regarding this matter.

Eng. Dr. Badru M. Kiggundu

"CHAIRMAN, ELECTORAL COMMISSION”

ABALOOPA BANO BAWEEBWA AMAGEZI OKUKYUUSA ERINYA NAYE NEBAKOZESA AKAJANJA NEBAGANA ERA KWEKUSALAWO OKULEETA OKUWABA KUNO MU KKOOTI ENO.

KIMANYIDDWA BULUNGI KKOOTI YA SSEMMATTEEKA KYELINA OKUTANGAAZA OBULUNGI MUMATEEKA NTI OMUTTAKKA OMUKKULU NGA ERA MUKULEMBEZE WA NNONO MUBWAKABAKA BWA BUGANDA AYITIBWA KABAKA. EKITUNDU 5(1)(B) EKYOMUTTEEKA LYA PPOACT EKITUNDU KINO KIGAANA OKUKOZESA EBIGAMBO EBIYINZA OKULEETAWO ENJAWUKANA OKUSINZIIRA MUMUKO OGWA (A). OMUKO GUNO 1(A) TEGUKIRIZA BANTU KUTABAGANA OKUSINZIIRA NEGYEBASIBUKA MUBUZALIRANWA BWABWE NEGGWANGA. NGA KABAKA WA BUGANDA BWALI OWE NNONO ATE NGA YE MUKKULU MUBUTTAKA BWA BUGANDA , OKUKOZESA ERINYA KABAKA KILEETA OBUTATEGERAGANA NOKWAWULAYAWULA MU BANTU.

Nzikiririza ddala mukusalawo kwamunammatteeka wo muwaabirwa asooka nti abantu babulijjo abalina endowooza entuufu batandiika okulowoolereza nti Kabaka wa Buganda yeyingiza mubibiina byobufuzi nga ate aganibwa mu kitundu kya 246(3)(e) ekya Ssemmatteeka wa Uganda . Ensonga eno eyinza okuleetawo enjawukana etetaagisa era nekileetawo okwekutulakutulamu okwabantu okutateekwa mu Ssemmatteeka wa Uganda alimu ensonga enkulu eyokwegata awamu.

Olwensonga eyo waggulu ninna okulowooza kwange nti okugaana kwomuwaabirwa asooka okuwandiisa ekibiina kyobufuzi ekya Kabaka Yekka kituufu era ekikolwa kye ekyo tekimenya kitundu kya tteeka 72(1) ne 29(1)(e) mu Ssemmatteeka. Abaloopa bano tebaganibwangako mubuyinza bwabwe obwanamwa ddala okwetaba mu kutuula nokukola ekibiina kyobufuzi. Ensonga esooka eyabwe njiganye era njigobye.

Kangende nate kunsonga eyokubiri:

Okugaana kwa wawabirwa asooka ono nga akozesa ekitundu kya 5(1)(a) ate ne kitundu kya 16(1) ekye tteeka lya PPOAct 2005 nga anyigiriza abawaabira bano nebatetayiza bulungi mubuyinza bwabwe neddembe lyabwe eribaweebwa mubujjuvu oba mukipimo kya democracy wa Bantu abeddembe ng Ssemmatteeka bwalagira.

Munnammatteeka wa bawaabira bano nga awoza yesigama kukitundu 43(2) (c) ekya Ssemmatteeka kunsonga eno eyokubiri. Obuyinza obuweebwa mukitundu kino ate nebukozesebwa okunyigiriza nokukotoggera abawaabi bano bussukawo mukulabirira eddembe lyobuntu mubantu abatudde obulungi munkolagana eya democracy. Munnamatteeka ayongera okuwoza nagamba nti obanga obuyinza bwe tteeka lino busanidde bwebutyo okunyigiriza abawaabi bano kkooti essanidde okusooka okulowooza kuddembe lino eriyimirizibbwa ate nobukulu bwe ddembe lino mubantu abatudde obulungi mu mbeera za democracy eyesigamye kuddembe lyobuntu nobwenkanya, ate era nekiseera nomugaso ebiri mu kuyimiriza eddembe lino.

Okusinziira kumunnammatteeka ono obuyinza bwabawaabira bano bukotoggeddwa era ensonga eno nkulu nyo. Abawaabi bano tebali mu kibinja kyabo abaganibwa abali mu kitundu no.5 ekyetteeka lya PPOAct. Agumizza nagamba nti okukola ebibiina byobufuzi ate era nokwetaba mukukolagana nabantu bonna abalina endowooza emu kikkulu ddala mu nsi. Nasaba kkooti ekirize omusango gwabawaabira bano.

Munnammatteeka wabawaabirwa ate ye nagaana. Agamba nti okukottogera nokugaana okuli mu kitundu 5(1)9a) ate ne 16(1) mu tteeka lya PPOAct kusaanidde era kukirizibwa mubantu abatudde awamu obulungi muddembe lya democracy. Nayongerako nagamba nti ebitundu bino byateekebwawo okutuukiriza obwetaavu obusibuka mukitundu 72(3) ekya Ssemmatteeka. Nagamba nti nga Ssemmatteeka mu kitundu 72(2) bwekiwa Olukiiko lweggwanga obuyinza okukyuusa munkola nokulunggamya mubibiina byobufuzi nebirala byonna tekiri eri kkooti mubuyinza bwayo okubuliriza buliriza mu tteeka eryamala edda okussibwawo. Nayongerako nti abawaabi bano tebanaba nakamu kuleeta bujjulirwa obukakasa nti kyebemulugunyamu kimenya Ssemmatteeka.

Munnammatteeka ono era naleeta nekyokulabirako mukuwoza nga ajjuliza omusango wakati wa Attorney General nemunnamajye Major General David Tinyefuza ogwawozesebwa Omulamuzi Kanyeihamba. Omulamuzi ono kulupapula 11 yalamula bwati.

“Tekisaanye kuggumizzibwa nga ekitamanyiddwa nti mu democracy kkooti tezisaanye kweyingiza munyombo ezisanidde okutawuluzibwa abakozi abalala aba Governmenti. Kkooti zissaanidde kuyingira munsonga zino bwekirabika nga abakozi abo bayisizzawo mubuyinza bwabwe nebalabika nga bakozeseza mubukyamu obuyinza bwabwe nebaleeta obulabe nokulumya.”

Munnammatteeka ono kwekusaba Omulamuzi kunsonga eno eyokubiri ajigaane.

Ekitundu43(1) kigamba bwekiti:

“Okukkotoggera obuyinza bwomuntu obwekkomeredde ne ddembe lye elyobuntu.

(1) Mukusanyukira mubuyinza buno ne ddembe ebiri mu kitundu kino tewali muntu yenna ate ateekwa okunyigiriza omuntu omulala yenna mumbeera ze naye zabeeramu wakati nga attudde mubantu bonna.

(2) Okutula mubantu bonna mukitundu kino kitegeeza nti tewali kukkirizibwa -

(a) Okubonyabonyezebwa mubyobufuzi;

(b) Okusibibwa nga tewali kuwozesebwa.

(c) Okukugirwa mukweyagalira mu buyinza ne ddembe lino nga ekitundu kya Ssemmatteeka bwekikiriza newabaawo okuyitiriza mukulalika mubutenkanya obwandisangibwa mu Bantu abatudde entende mu democracy nga Ssemmatteeka bwalalika.”

Ekiwandiiko “okuyitiriza mukulalika mubutenkanya obwandisangibwa mu Bantu abatudde entende mu democracy” tekinyonyolwa nakamu mu Ssemmatteeka.

Omulimu gwokunyonyola (Okutaputa) guli eri kkooti eno. Kkooti eno yakikola mu musango wakati wa Zachary Olum nomulala ate ne Attorney General mumusango gwa Ssemmatteeka no. 6 ogwatuula nga 1999.

Muganda wange Omulamuzi Okello yagamba bwati:

Enjogera: “abantu beddembe abatudde entende mu democracy” kyalowoozebwako mu kkooti eziwerako. Nga mu nsi ye Canada , Kkooti enkulu eri mukitundu kya The Queen Oakes [1987] (Const) 477 awo 498 – 9 egamba bweti.

“Enyinyonyola oba enzivunula eyokubiri (ey’ekitundu no.1) ekozesa enjogera “abantu beddembe abatudde entende mu democracy”. Okukozesa ebigambo bino nga ebyenkomeredde mukukomya kubuyinza ne ddembe lyo buntu kitwala kkooti okujjulira kunsonga zenyini ezagobererwa mu Ssemmatteeka wa Canada mu Bantu abatudde entende mu democracy. Kkooti erina okugoberera ebyomugaso era nga bikiririzibwaamu mu mu Bantu beddembe abatudde entende mu democracy. Ensonga zino ezikiririzibwamu zikwatagana kukusamu ekitiibwa obuyinza bwabantu, obwenkanya nokusala amazima, okuwa ekitiibwa munzikiriza ezenjawulo, okuwa ekitiibwa empisa zobuzaaliranwa ne nnono, nokukiriza okuwa ekitiibwa nobwesige mubukulembeze obukulakulanya omuntu oba abantu bonna. Abantu abeddembe abatudde entende mu democracy bye bibala ebirungi ebireeta obuyinza ne ddembe lyobuntu ebyenkomeredde. Wano wewali ekipimo ekyenkomerero ekikakasa okukoma kwobuyinza ne ddembe lyo buntu newankubadde nga oluvanyuma kyandirabise mungeri endala nemu democracy omulala.”

Okuzziyiza oba okugaana okuli mukitundu 5(1)(a) ate ne 16(1) mu tteeka lya PPOAct, mukulowooza kwange, kulimu omugaso munnene nenzikiriza entuufu essannidde okubeera mubantu abeddembe abatudde entende mu democracy nga ne Ssemmatteeka wa Uganda bwa kakasa. Ebirungi ebikiririzibwaamu nga bwekyogerwa waggulu kwekwewayo mukuwa ekitiibwa obwenkanya nokusala amazima, ate era nokukiriza okussamu ekitiibwa enzikiriza zabantu abalala, obuzaaliranwa bwabwe, ate era ne nnono zabwe.

Omuko ogwa 16 ogwa Ssemmatteeka gutekawo ekitebe nobuyinza bwabafuzi be nsikirano nga ate era bannono. Era nokusinga, Ekitundu 246 (1) ate ne 3(e) bigamba bwebiti:

1. Okusinziira ku nsonga eziri mu Ssemmatteeka ono, ekitebe kya bakkulu ba battaka bano nga Bankansanggwawo nga era bebakkulu be nnono, basanidde okubeerawo mu bitundu byonna eby’ ebyensi ya Uganda okusinziira kumpisa zobuzaaliranwa ne nnono era awamu nokusiima kwabantu abo bekikwatako.

3 (e) Omuntu yenna nga ye mukkulu we bika ne nnono nobuzaaliranwa bweggwanga, takirizibwa kwetaba mu bufuzi bwebibiina.

Mukulowooza okwange kiba kikyamu okukiriza omufuzi akulira ekitebe kyennono okubeerawo ate ekiseera kyekimu nawandisibwa kukibiina kyebyobufuzi “Kabaka Yekka.” Ekikolwa kino kiyinza okuleetawo okukyamukirira nokusalasala mumawanga gabantu gyebasibuka.

Okwongerako kukino abawaabi bano singa bakirizibwa okuwandiisa ekibiina kyobufuzi mulinya lya “Kabaka Yekka”, bayinza okulinyirira obuyinza ne ddembe lyabantu ba Buganda abatudde entende mu Bwakabaka bwa Buganda so nga bo bagala kubeera mumirembe jjabwe egibasanyusa mu nnono yabwe nomukkulu wabbwe oyo.

Nze nfumitiriza nyo ekirowoozo kyange nti okugaanibwa era nokuziyizibwa nga bwekinyonyolwa mubitundu ebiri waggulu kikolwa ekissannidde era ekyobwenkanya mu Bantu abatudde awamu entende mu ddembe lyabwe mu democracy.

Okugaanibwa kuno kuli ne mu Ssematteeka wa Uganda .

Ensonga eyokubiri nayo sigikiriza.

Katudde kunsonga eyokussatu:

Nkitwala nti Abawaabira bano tebasanye kusasulwa sente zebafiriddwa mumusango guno oba nokuliyibwa kwona.

Omusango ngugobye Nabawaabira basasule Abawaabi.

Dated at Kampala this 30th day of April 2008.

C.N.B Kitumba

JUSTICE OF COURT OF APPEAL.

Nb:

 

ABALAMUZI BONA BAKIRIZIGANYA MUKUGOBA OMUSANGO GUNO ERA OMULAMUZI

A.E.N.MPAGI-BAHIGEINE NAYONGERAKO NGA AGGUMIZZA BWATI:

 

NEWANKUBADDE NGA EBIBIINA BYOBUFUZI BYETAGISA MUKUTAMBUZA DEMOCRACY, NAYE ATE OMUGASO GWA DEMOCRACY TEGUSAANA KWELABIRWA. KYEKIVA KISSANNIDDE EBIBIINA BYOBUFUZI BINO OKUBEERA MUMATEEKA AGABIFUGA OKUSOBOLA OKULEETAWO OKWEGATTA KWENSI, OKUKUUMA OBULAMU BWABANTU, ATE ERA NOKUKUUMA OBUYINZA NEDDEMBE ERYABANTU ABALALA.

KAKATI NO KYEKIVA KILABIKA NGA ERINYA LYA KABAKA YEKKA TERISANIDDE NAKAMU OLWEBITUNDU 72(2) ATE (3) EBIRI MU SSEMMATTEEKA ATE NE MU PPOACT ETTEEKA LINO ERIRABIRIRA EMPISA ZE BIBIINA. OKUWANDIISA EKIBIINA KINO KIKOLWA EKIYINZA NATE OKULEETAWO NATE OKUKYAMUKA KWEMYAKA GYA 1960. EMIVUYO GINO GYALEETAWO OKUTABULATABULA MUBANTU, OKUKYAMUKA, NOKUTINGANA BYONNA NGA BIVA KU KABAKA EYALI MU BWAKABAKA BWA BUGANDA NGA KABAKA ONO YEYALI ATESEEWO EBIBIINA BYOBUFUZI MUNSI. ERA EKITUNDU KYA 246(3)(E) EKYA SSEMMATTEEKA KYATTEKEBWA LWA NSONGA ZA MIVUYO OKUVA KU KABAKA ONO.

NGA ABALAMUZI BANANGE S.G.ENGWAU, C.K BYAMUGISHA NE S.B.K KAVUMA BWEBAKIRIZIGANYIZAMU, OMUSANGO GUNO GUGOBWE NEBIRAGIRO EBIGUGENDERAKO NGA C.N.B. KITUMBA BWASAZZEEWO.

 

DATED AT KAMPALA THIS 30TH DAY OF APRIL 2008.

 

HON. A.E.N. MPAGI-BAHIGEINE

JUSTICE OF APPEAL:

 

AFRICAN TRIBAL DEMOCRACY
AFRICA IS LOOSING SO MUCH MONEY. MUCH MORE THAN WHAT AFRICA GETS IN INTERNATIONAL DONATIONS
WHAT CAN AFRICAN LEADERS DO WITH THE YOUNG GENERATION OF AFRICAN CHILDREN?